Inicio > AS > LA SIDRA representa a Asturies en Dinamarca
ASENESEventosEventosEventsInternacionalNewsSidreturismuSISGATastiesTasties

LA SIDRA representa a Asturies en Dinamarca

La nuea edición del Rigtig Cider consolídase n’Escandinavia

Esti sabadu 25 d’agostu tuvo llugar la tercera edición del festival sidreru internacional Rigtig Cider (Sidre Daveres) en Copenague, capital de Dinamarca ya de les vanguardies europees de la sidra. Nesta tercera edición confírmase comu l’eventu sidreru de referencia n’Escandinavia, cuntando esti añu con más de 30 llagares, d’ente los cualos destacaren en númberu los anfitriones daneses y los vecinos suecos

Esti eventu, muerganizáu por Rasmus Holm, importador de sidre de Holm Ciders, enmarcose na feria Copenhaguen Cooking y amosó sidre de lo más destremao, ensin pasteurizar nin amestar con zucre o agua, que ye no que más s’enfoten pa desplicar qué ye la sidre daveres o “rigtig cider”. Elli desendolcose en tres tasties separtaes por grupos (hosteleros ya públicu xeneral) ente les 11 y les 6 de la tardi na céntrica plaza d’Israels plads, con un coste de 130 corones daneses (18 €).

Les sidres asturianes tuvieron representaes poles sidres naturales Fanjul, Villacubera y Riestra, llagar del que tamién pudieron tastiase les sidres esplumoses Brut Nature ya Semi-seca aportada pola importadora Stilk, siendo estes caberes les de mayor reconocencia n’Escandinavia por mor de los sos numberosos premios a nivel internacional. L’otru llagar asturianu presente foi El Gaitero.

Aparte de la bayura de productores noveles de Dinamarca tamién pudieron atopase llagares más veteranos comu Fejø, Æblerov, Abavas, Jaanihanso, Cidrerie du Golfe, y dellos otros conocíos por participar en caberes ediciones del Salón Internacional de les Sidres de Gala. De fechu ye posible que’l públicu asturianu pueda tastiar dellos de los sos productos na siguiente edición esti 29 de setiembre, onde dalgunos de dichos llagareros tornarán participar.

(Visited 2.445.755 times)
Compartir
Anzu Fernándi
http://www.sisga.info
Anzu Fernández ye'l dellegáu internacional de LA SIDRA y la Fundación Asturies XXI, amás de coordinar les tornes. Elli ye l’embaxaor de la sidra asturiana nes principales feries internacionales de la sidra y responsable de les dellegaciones internacionales del Salón Internacional de les Sidres de Gala (SISGA).

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies