Inicio > AS > Eventos > LA SIDRA participa nel Festival de la Sidre de Dinamarca
Eventos

LA SIDRA participa nel Festival de la Sidre de Dinamarca

Considérase’l primer festival sidreru d’escandinavia, y cuntará cola participación de selce llagares de toa Europa.

LA SIDRA.- Una vuelta más, LA SIDRA –Fundación Asturies XXI- pondrá la nuesa sidre nel panorama internacional, participando con stand propiu nesti importante festival que se cellebra esta fin de selmana en Dinamarca (Rigtig Cider), y onde presentaremos el Salón Internacional de les Sidres de Gala –SISGA- a cellebrar del 30 setiembre al dos d’ochobre, y dará a conocer Asturies, la so sidre, y la cultura asturiana de la sidre.

Concretamente la dellegación asturiana llevará roll up ya información de la DOP Sidre d’Asturies, y la sidre que la representa esti añu: EM, Españar y Val de Boides. Asina mesmo, tamién se lleva Roxmut, l’impresionante vermú del Llagar Castañón, cuya calidá y orixinalidá de xuru dará muncho que falar.

Esti Festival de la Sidre danés ye espresión del puxu que ta garrando la sidre en llugares onde tradicionalmente nun se conocía,y el fechu de que LA SIDRA tea presente nelli supón posicionamos de primeres nun mercáu en plenu desendolcu onde la nuesa sidre tien unes posibilidaes y una proyeición descomanada.

Arriendes d’ello, nel stand de LA SIDRA tamién s’aporta información d’Asturies y Xixón, col oxetu de dar a conocer el nuesu país, y la so ufierta cultural y turística, especialmente de Xixón, con cuyu Ayuntamientu se caltién un conveniu de collaboración pal desendolcu del SISGA.  

(Visited 1.193.919 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies