Inicio > AS > Eventos > LA SIDRA nel Rigtig Cider de Copenhague
Eventos

LA SIDRA nel Rigtig Cider de Copenhague

El Festival de la Sidre de Copenhague ye’l principal festival sidreru d’Escandinavia, y cuntará cola participación del llagar Riestra en representación d’Asturies.

LA SIDRA.- Como davezu LA SIDRA tará presente nesti interesante festival sidreru internacional nel que participen un total de 25 llagares, ente ellos el sareganu Llagar Riestra.

 

Hai de solliñar que la cultura de la sidre ye mui nueva en Dinamarca, colo qu’esti festival ye perimportante a la hora d’afitala.

Nesi sen ye de destacar que dende l’Asociación pal Espardimientu de la Sidre Auténtico en Dinamarca, entamaores del Rigtig Cider, tan intentando xeneralizar una definición de lo que ye sidre, considerando que tien de ser fecho de magar mazana, ensin pasteurización y ensin amiestar augua nin zucre, daqué colo que cumple perfechamente’l llagar Riestra, que de xuru representará a Asturies con sobráu méritu.

Esti Festival tendrá llugar el 26 y 27 d’Agostu en Copenhague, concretamente en Torvehallerne. Amás d’una gran cantidá de sidre, el festival tamién ufritá pa xintar. Ellí, por 130 corones, 17’5 €, los visitantes tendrán acesu a una de las tres tasties previstes demientres el festival. Amás podrán comprar botelles y esfrutar tranquilamente nes meses alredior de los canales daneses. 

(Visited 2.467.591 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies