Inicio > Chigres > La Ruta la Sidre xixonesa actualízase
ChigresEncamientosEventosLlagaresSidreturismuTasties

La Ruta la Sidre xixonesa actualízase

Xixón Turismu presentó la nueva propuesta que supón la visita a seyes llagares, tresporte y menú especial en 15 chigres distinguíos col Compromisu de Calidá Turístico y/o cola marca Sidreríes d’Asturies.

El conceyal de Turismu, Esportes, Festexos y Xuventú, Jesús Martínez Salvador, presentó ayeri nel Restorán Sidrería La Cuadra de Antón l’actualización de dos de los productos turísticos gastronómicos que permiten esfrutar del meyor saborgu de la ciudá asturiana: Xixón Gourmet y Ruta de la Sidra Xixón.

Xixón presume de ser la principal mancha sidrera’l mundiu. Como novedá, la Ruta de la Sidra Xixón ufre menús sidreros especiales en 15 chigres de la ciudá distinguíos col Compromisu de Calidá Turística y/o cola marca Sidrerías de Asturias y que sirven la sidre en condiciones óptimes y échenla tanto en mesa como en barra. Tamién inclúi la posibilidá de visitar seyes llagares del conceyu pa conocer tol procesu d’ellaboración de la sidre y preba y, nesta edición nueva, tarifes especiales de les dos coperatives de taxis de Xixón col sellu de Compromisu de Calidá Turística pa facilitar el tresporte hasta los llagares.

Les sidreríes que participen na Ruta de la Sidre Xixón son: Marisquería Poniente, Sidrería Cabañaquinta, Sidrería La Cuadra de Antón, Parrilla Muñó Poniente, Casa Trabanco, Parrilla Ramón, Sidrería La Tonada de la Guía, Sidrería La Fueya de Tomás, Sidrería El Saúco, Parrilla Muñó Feijoo, Sidrería El Restallu, Sidrería El Requexu, Sidrería La Montera Picona de Ramón, Sidrería Tierra Astur Poniente, Sidrería Marisquería El Llavianu. Los llagares que ye posible visitar son Llagar Trabanco, Llagar Sidra Acebal, Llagar Sidra Menéndez, Llagar Bernueces, Sidra Piñera y Llagar Castañón.

Asina mesmo tamién se presentó el menú Xixón Gourmet, que permite descubrir los meyores restoranes de la ciudá. Los siete restoranes que participen cunten con dalgún sellu de calidá: Estrella Michelin, Sol Repsol, Q Calidá Turística o Meses d’Asturies. Los restoranes son Auga, Bellavista, Casa Gerardo, Ciudadela, La Salgar y Zascandil. El menú inclúi dos entrantes orixinales, dos platos esbillaos, un postre diferente y vinu especialmente seleicionáu y tien un preciu zarráu de 45 euros por comensal. Los tres restoranes gallardonaos con estrella Michelin de Xixón ufierten esti menú de preba por 50 €. Pa la reserva ye preciso dicir que ye un Menú Xixón  Gourmet y el númberu comensales (promoción non válida pa meses superiores a 8 comensales).

(Visited 2.465.885 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies