Inicio > AS > Tasties > La meyor sidre casero faise en Parres
Tasties

La meyor sidre casero faise en Parres

Miguel Rosete, de Parres, ganó’l premiu a la meyor sidre casero d’Asturies, siguíu de Juán González, de Xixón, y Rafael Sánchez, d’Amieva.

LA SIDRA.- La sidre casero va a más. Non porque se faiga más de lo que se facía enantes, sinon porque la xente que maya pa en casa va reivindicándose ca vuelta más, y faciéndose más presente gracies al llabor d’entidaes comu la entamaora d’esti concursu, l’Asociación pal Fomentu de la Sidre Tradicional.

 

Estos premios, que de magar esti añu pasen a llamase Mundo Collada, n’alcordanza y honor al prestixosu enólogu maliayu que tantu fexo pela sidre y la cultura asturiana, son concedíos pola mencionada asociación, y acarreten un impresionante llabor previu, con convocatories conceyu a conceyu pa poder tar presente nesta final. Esti añu tovieren representaos 20 conceyos con 60 llagares, y ye d’esperar que l’añu que vien siga xorreciendo’l númberu de conceyos asturianos representaos.

El ganaor esti añu foi Miguel Rosete, de Sinariega, Parres, seguíu de Juan González, de Mareo, Xixón, que vieno acompañáu d’un grupu d’unos 45 amigos desplazos n’autocar pa esfrutar de la fiesta, y el tercer puestu foi pa Rafael Sánchez, de Vega de Pernús, Amieva.
La sensación xeneralizada ye que ca vegada ye meyor la sidre casero que se fai. En pallabres de Mino Villarrica, miembru del xuráu “enantes destinábase al autoconsumu y agora ye una afición y un arguyu”.

La final del concursu y la preba de la sidre féxose na Plaza’l Güevu de Villaviciosa, y entamó a les 12 del meudíi cola intervención d’Arturu de La Ballera y Dani Valdés, gaita y tambor respeutivamente, dempués, los asistentes pudieren prebar la sidre de los 12 finalistes col sistema avezáu de mercar el vasu comemorativu por 3 €.

Al actu asistieren alcaldes de la Contorna de la Sidre y otros conceyos asturianos, y l’alcalde maliayu, Alejandro Vega arriendes d’entregarlos premios comu’l restu d’actividaes, aprofitó pa felicitar a tolos participantes y reclamó esta nueva fiesta sidrera cola que se da puxu a la sidre fecho pa en casa.

Rellación de Ganaores

  • 1º PREMIU.- Miguel Rosete Rosete de Sinariega. Parres
  • 2º PREMIU: Juan González Álvarez de Mareo. Xixón
  • 3º PREMIU: Rafael Sánchez Díez de Vega de Pernús. Amieva

– 4º PREMIU: Rubén Pedrayes de Llue. Colunga

– 5º PREMIU: Enol Alonso y Mario Curto de Cecea. Nava

– 6º PREMIU: Marcelino Prida de Poreñu. Villaviciosa

– 7º PREMIU: Felix Ormeño de Vallobal. Piloña

– 8º PREMIU: Javier Ramos Préstamo de Pandenes. Cabranes

– 9º PREMIU: Ángeles Somoza de Pernús. Colunga

– 10º PREMIU: Adolfo Cubillas. Sariegu

– 11º PREMIU: Víctor Manuel Serrano de Cullera. Corvera

– 12º PREMIU: Víctor José Fernández de Las Vallinas.Castrillón

(Visited 2.467.140 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies