Inicio > Cultura sidrera > La meyor sidre casero d’Asturies faise en Villaviciosa
Cultura sidreraEventosLlagaresTasties

La meyor sidre casero d’Asturies faise en Villaviciosa

Los dos primeros premios quedaren en Villaviciosa, y Javier Cantelí impúnxose na quinta edición de los Premios Mundo Collada a la meyor sidre casero asturiano

LA SIDRA.- Entamáu pola Asociación Fomentu de la Sidre Tradicional Asturiano cola collaboración del Ayuntamientu Villaviciosa, el V Concursu de Sidre Casero d’Asturies, Memorial Mundo Collada, xuntó na plaza’l Güevu de Villaviciosa a los braeros amantes de la sidre que tovieren la oportunidá única de poder esfrutar de la sidre casero de 42 llagares, los ganaores nos 18 concursos de sidre casero que se fain a lo llagru l’añu pelos conceyos asturianos.

L’Asociación de Fomentu de la Sidre Tradicional Asturiano, entamaores del eventu, solliñaron que nos postreros años la calidá de la sidre casero incrementóse enforma, faciendo que ca vegada seya más complicao escoyer una o otra “hebio munchu”.

El procesu entamó con una seleición previo de la sidre de los 42 llagares caseros presentaos rializada por un xuráu amatéur, qu’escueye a los que sedrán los doce finalistes, que nun se dan a conocer fasta’l mesmu momento de la entrega premios. El mesmu díi de la preba popular, el xuráu profesional valora en dos ocasiones caúna d’estes sidres clasificaes, en distintu orde, lo que supón toa una garantía d’imparcialidá.

El xuráu tuvo compuestu por Miguel Pontón, de Villaviciosa; ; Jorge Ramos, de la sidrería Los Pumares,  Pablo Costales, de la sidrería El Cuetu; Víctor Fernández, de la sidrería El Chaflán, y Miguel Prieto, de la sidrería El Centenario, qu’entamaron el so llabor al empar qu’escomenzaba la preba de la sidre siguiendo’l sisema avezáu de mercar el vasu comemorativu.

Nesta ocasión, el trunfu foi pa Javier Cantelí, de Fuentes, Villaviciosa, a bona distancia del restu los participantes, que yá fuere ganador de la primer edición de sidre casero cellebrao en 2012 y que quedó tamién primeru nel concursu de sidre casero de Villaviciosa, cellebráu’l pasáu mes d’agostu.

Nes sos declaraciones Javier Canteli dio la clave del so ésitu na elaboración de sidre: “bona mazana, llimpieza, y bona formientaura”, amestando qu’elli failo en llagar y con toneles d’acieru inosidable y que lleva más de cuarenta años nesta xera.

El segundu premiu quedó tamién en Villaciosa, ganándolu Adrián Berros, de Valdebárcena y el terceru foi pa Fernando Sánchez, vecín de Cardes, Piloña. Tres d’ellos quedaron Jesús Fraile (Piloña), Miguel Rosete (Parres), Juan Carlos Río (Caso), Rocío Andrade (Nava), Jaime Menéndez (Salas), José Manuel Sánchez (Siero), María Jesús Ferrero (Mieres), Alberto Vega (Colunga) y Aníbal Fernández (Salas).
Los trés primeros premios llevaron un troféu diseñáu pol artista maliayés Pablo Maojo, y llóxicamente, nel actu rindióse homenaxe a Mundo Collada, enólogu malilayés ya fallecíu que destacara pola so defensa de la cultura de la sidre y la meyora del seutor y quien da nome a estos premios, muchos de los cualos foron entregaos por miembros de la so familia.

 

Más de 6.000 culetes

La rempuesta popular foi acordies cola importancia de la convocatoria, y la plaza’l Güevu tornó a congregar xente asgaya, que , previu pagu de los avezaos 4 € pol vasu, dio acabu a les más de milenta botelles de sidre puestes a la so dimposición (ca llagar participante apurrió dos caxes), que s’escosaron a lo llargo la mañana.

La valoración del públicu d’esta preba sidrera foi enforma positiva, sosprendiendo muncho la complexidá de los saborgos de les más de les sidres, y el marcáu caráuter de caúna d’elles, lloñe de la homoxeneidá de la sidre que suel topase en mercáu.

 

Con sospresa

Una inesperada sospresa foi la presencia del músicu Vicente Díaz, que nun dubió en xubir al escenario ya interpretar el so conocíu canciu,  ¿Qué tien esta sidrina que sabe tan bien?, y que tamién interpretó l’himun d’Asturies al final del eventu, acompangáu por tolos presentes.

 

VER SEMEYES

(Visited 1.653.621 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies