Inicio > AS > Noticies > La Mención d’Antañu va pal Muséu de la Sidre
Noticies

La Mención d’Antañu va pal Muséu de la Sidre

L’equipamientu navetu recibió’l distintivu en Valdesoto.

LA SIDRA.- La pasada fin de selmana cellebróse la fiesta Valdesoto d’Antañu. Nesta edición l’amuesa etnográfica tuvo dedicada a los 300 años que fizo la Casona de Lleceñes, una de les edificaciones más antigües y emblemátiques del llugar. Amás esti añu, la llamada Mención d’Antañu recayó nel Muséu de la Sidre de Nava. Con esti distintivu l’asociación Santa Apolonia de Lleceñes, que ye la qu’entama l’eventu, quinxon homenaxear a tol seutor sidreru asturianu. L’alcalde de Nava, Juan Cañal siñaló que dichu premiu taba dedicáu a “tolos trabayaores del muséu”

Demientres la cellebración de les fiestes reviviéronse usos y vezos de va más de cien años. Una d’estes actividaes más destacaes foi la rialización d’una escoyaza en donde s’enseñó a los más piqueños la manera na que se facíen les riestres de maiz pa escolingalaes de los correores de los horros pal so caltenimientu y conservación. Tamién hebio bailles tradicionales, actuaciones de los sidros y pudo sentise demientres tola fiesta la música’l país. Por supuestu, tamién hebio preba de productos típicos. Amás de la sidre, ufriéronse tortos con picadillo, bollos preñaos, empanaes o tortiella de pataca.

(Visited 1.641.332 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies