Inicio > Gastronomía > La meyor fabada del mundiu cocínase n’El Cruce, de Sotu’l Barcu
Gastronomía

La meyor fabada del mundiu cocínase n’El Cruce, de Sotu’l Barcu

Semeya: Gustatio

En segundu llugar quedó Michem, asitiáu en Villabona, y en terceru Casa Pedro, de Parres; tamién hebio premios pal meyor compangu, el meyor menú o la Meyor Fabada de Villaviciosa Memorial Amable Bedriñana

LA SIDRA.- La fabada del restorán El Cruce alzóse col títulu de “La Meyor Fabada del Mundiu 2020”. La décima edición del concursu, entamada pol Conceyu de Villaviciosa y la empresa d’eventos gastronómicos Gustatio, axuntó a un centenar d’establecimientos de Asturies, Islles Baleares, Málaga, Murcia, Valencia, Toledo, Ciudá Real, Granada, Sevilla, Barcelona, Madrid, Alicante y Zaragoza.

Clasificada en segundu llugar quedó la fabada del restorán Michem en Villabona y el tercer puestu foi para Casa Pedro en Parres. El premiu al meyor compangu del mundu, patrocináu por Embutíos Naveda, foi pa El Cruce de Sotu’l Barcu y la meyor fabada de Villaviciosa Memorial Amable Bedriñana foi pa La Llosa, d’Oles allugada, como’l so nome indica, n’Oles. Amás, per primer vegada otorgóse un premiu a la Meyor Fabada de Menú que recayó nel restorán El Merenderu de Cuadonga, el segundu clasificáu foi para La Tabierna Salcedo d’Uviéu y el terceru la Sidrería Prida de Nava. Merecieron una mención especial pol so bon faer na cocina: El Rincón de Adi y La Vizcaina d’Uviéu y La Llosa, d’Oles.

El xuráu encargáu d’escoyer “La Meyor Fabada del Mundiu” tuvo formáu polos cocineros: Pedro Morán de Casa Gerardo, Luis Alberto Martínez de Casa Fermín, Gregorio García de Óleum y los espertos gastronómicos: José Ribagorda, Juan Antonio Duyos, David Fernández-Prada y Víctor Berdasco de la empresa La Tierrina Vaqueira.

(Visited 886.721 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies