Inicio > Sin categoría > La lluvia nun pudo -nin podrá- cola Primer Sidre l’Añu
Sin categoría

La lluvia nun pudo -nin podrá- cola Primer Sidre l’Añu

Miles d’apasionaos sidreros entamaron la Selmana Santa cola pasión que correspuende a bonos asturianos. Güei y dica’l domingu, la espicha con más sidres del mundiu sigui nel Muséu’l Pueblu d’Asturies

Nel so pregón nagural,  l’hestoriador Luis Benito García, impulsor de la candidatura de la Cultura Sidrera Asturiana pal so reconocimientu como Padremuñu Cultural Inmaterial de la Humanidá por parte de la UNESCO, recalcó el calter identitariu de la sidre y de tolo que lo arrodia, inmaterial y material. Pel so lláu el llagareru Alfonso Prado, de La Morena, cola montera corchos que lu acredita comu ganaor de la Meyor X Primer Sidre l’Añu, fexo una intervención tan breve comu contundente “La sidre ye lo qu’importa”. Marcos Fernández, presidente de la Fundación Asturies XXI incidió sobro la tardanza en tomar les midies precises p’algamar el reconocimientu de la UNESCO, que lleva desixéndose va diez años y que entá nun s’algamará, polo menos, dica’l 2020.

Güei, amás de la música, talleres, tasties, sidrocoles, bailles y otres actividaes, aniciará la X Asturianada y Sidre, cola participación d’interpretes nuevos y veteranos que canciarán a la sidre al estilu más tradicional. Tamién sedrán protagonistes los participantes nel Sidracrucis, que pasarán a mediudíe comu parte del so percorríu de veneración sidrera que los llevará a lo llargo’l díe per chigres y llagares d’Asturies.

(Visited 2.466.642 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies