Inicio > Chigres > La Huertina, callos, cogordes y caza
ChigresEncamientosGastronomía

La Huertina, callos, cogordes y caza

Esti merenderu sidrería, asitiáu en Noreña, destaca por ellaborar con “muncha pacencia, ganes y llimpieza” unos saborgosísimos callos, que cumplen con “la triple P”: piquiñinos, picantinos y pegañosinos.

Cola llegada de la seronda, La Huertina introduz na so amplísima carta, una esquisita variedá de platos de caza, que son tou un clásicu de la cocina tradicional asturiana. Esti merenderu sidrería, asitiáu metanes e la ñatura nel barriu La Reguera en Noreña, ufre a los sos veceros unes espectaculares ensalaes de coneyu escabecháu con cogordes de temporada o de fines llámines de sollombu de ciervu cortáu con semilles de maiz carambelizaes y emulsión de vinabre. Un braeru manxar pa tolos sentíos.

Si escomienza apiertar el fríu, ná meyor pa calecer que les sos fabes d’Argüelles con arcea o l’arroz con coneyu de monte. Pa continuar podemos decantamos por degustar les chuletines de venáu al caricote con guarnición de castañes, el picadillu de xabaril sobro camina de güevos o’l magré de coríu a la chapa con cogordes de cardu. Unos platos que puen acompangase de la meyor sidre, nesti casu, Viuda de Angelón.

VER ARTÍCULU COMPLETU EN PDF

MERENDERU LA HUERTINA. Barriu La Reguera, calle D 14, Noreña. T. 985 362 241

(Visited 2.466.364 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies