Inicio > AS > Eventos > La DOP supérase en Madrid Fusión
Eventos

La DOP supérase en Madrid Fusión

Esti añu la sidre con denominación cuntó con un stand dublu.

LA SIDRE.- Madrid Fusión terminó y el balance de la DOP sidre d’Asturies foi enforma positivu. El xerente del CRDOP desplicó pa esta espublizacion: “Foi una esperiencia bien bona. Tuviemos una arribación de públicu especializáu nel seutor. Tamos bien contentos, en primer llugar porque la sidre sigue gustando, sigue tando de moda,  cuantimás la d’echar, pero yo creo que la gran sospresa foi la esplumosa brut. Nesti casu vinimos cola d’Emilio Martínez que ye la ganadora istitucional y tuvo una gran aceptación per parte de el consumidores”.

A la entruga de qué ye lo que más sospriende a los asistentes Daniel Ruiz respuende: “L’echáu. Esi ritual ye daqué únicu nel mundiu y tenemos que siguir dando-y puxu”. Finalmente’l xerente de la DOP señaló que van siguir promocionando la sidre con denominación nos siguientes alcuentros gastronómicos estatlaes como en Salón de Gourmets y Alimentaria. “Queremos que tol mundiu acomuñe la sidre con Asturies” señaló.

Tocántenes a la gastronomía asturiana güei foi díi de premios. Pedro Noriega, del restorán Castru El Gaiteru de Celoriu ganó’l tercer puestu como Cocineru Revelación 2017. Un premiu que recibió con, dixo, “munchísima satisfaición”. Amás, elli tamién foi ún de los seyes clasificaos que cocinaron nel III Campeonatu a la meyor croqueta’l mundu. Norabona Pedro! Al igual que cachopos, los asturianos sabemos faer croquetes… anque, claro, sabemos estremar perbién dambes coses.

(Visited 2.465.862 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies