Inicio > Cultura sidrera > La Cultura Sidrera Asturiana nel INCUNA
Cultura sidreraDellosSin categoría

La Cultura Sidrera Asturiana nel INCUNA

Les xornaes internacionales sobro Padremuñu Industrial llevaráse a cabu del 24 a 29 de setiembre

LA SIDRA.- L’Asociación d’Arqueoloxía Industrial INCUNA va llevase a cabu del 24 al 29 setiembre unes xornaes nes que se van aldericar les principales temes de Padremuñu Industrial a nivel nacional ya internacional. Amás de la gran cantidá de charres y conferencia alredior d’esta materia, tamién se van presentar alredior de 20 documentales y películes na II Amuesa de Cine sobro Padremuñu Cultural y Paisaxes Culturales.

Cuntaráse cola asistencia de más de 200 presones, procedentes de quince países: asociaciones de defensa del padremuñu, xestores culturales y turísticos, empresarios, funcionarios y téunicos de l’alministración, estudiantes, trabayaores, inxenieros, arquiteutos, xeógrafos, historiadores, economistes, ente más profesionales, que son coscientes de la importancia de caltener, sopelexar, activar y valorizar el padremuñu hestóricu industrial y los paisaxes culturales nes sos distintes facetes.

Nestes xornaes, l’INCUNA amestaráse al sofitu de la candidatura de la Cultura Sidrera Asturiana a Padremuñu Cultural Inmaterial de la Humanidá pola UNESCO, cola proyeición de la película “Bellezas d’Asturies”, presentada na Amuesa de Cine por Juan Carlos de la Madrid. Esti documental mudu, realizáu ente 1918 y 1922 por José Pons Girbau y José María Maristany, foi encargáu por Valle, Ballina y Fernández cola fin d’espublizar la sidra El Gaitero nesti país y América. Nel filme enseña’l procesu granible de la sidre naquellos años. De magar esti material compúnxose la película Belleza de Asturies, una de les numberoses acciones pioneres de la empresa asturiana nel ámbetu publicitariu.

(Visited 660.750 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies