Inicio > AS > Encamientos > La Contorna la Sidre nel Arcu Atlánticu de Xixón
EncamientosSidreturismu

La Contorna la Sidre nel Arcu Atlánticu de Xixón

El destín turísticu “Contorna de la Sidre”, integráu polos conceyos asturianos de Bimenes, Cabranes, Colunga, Nava, Sariegu y Villaviciosa, llevó a cau, per tercer añu consecutivu, una aición promocional pa dar a conocer los sos atractivos turísticos ente’l públicu asistente al Festival Arcu Atlánticu de Xixón.

LA SIDRA.- La puesta en marcha d’esta aición persigue atrayer potenciales visitantes a esti destín del Cientru-oriente asturianu, ente los miles de presones que percorren el Festival. Arriendes d’ello, nel marcu de les actividaes paraleles que s’ufrieron, llevóse a cabu una degustación de sidre, que llamó l’atención d’un nutríu grupu visitantes, que pudieron tastiar la bébora asturiana por escelencia, y que da nome a esta Contorna Turística. Del mesmu mou llevóse a cau una actividá d’animación de cai, desendolcada pola asociación entamaora del Mercáu Tradicional d’Oles, Declaráu Fiesta d’Interés Turísticu y que foi una piqueña amuesa de lo que podrá atopase en dichu eventu los díis 4 y 5 d’agostu.

P’amosar el so sofitu a esta iniciativa promocional desplazáronse estremaos miembros de les corporaciones de los conceyos de la Mancomunidá, col so presidente José Rogeli Pande de cabezaleru, que se xunieron nuna semeya familia a los representantes istitucionales del Ayuntamientu Xixón y miembros de les confraderíes gastronómiques que s’asitien na comarca sidrera. Amosando una vuelta más les bones rellaciones de vecindá y xermandía de les qu’esfruten dambos territorios.

(Visited 2.465.317 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies