Inicio > Cultura sidrera > El “Principado” anuncia en FITUR una campaña pola candidatura de la Sidra
Cultura sidrera

El “Principado” anuncia en FITUR una campaña pola candidatura de la Sidra

Llevóse a cabu a les 11:30 y anuncióse una campaña pola candidatura de la Sidra y nel papel de los Embaxaores, nomaminetu qu’ostenta esti mediu comuniciación

LA SIDRA.- La conseyera de Desendolcu Rural y Recursos Naturales, Mª Jesús Álvarez y el conseyeru d’Emplegu, Industria y Turismu, Isaac Pola, presentaron esta mañana la campaña de la Cultura Sidrera Asturiana a la llista de padremuñu inmaterial del la Humanidá de la Unesco, nel marcu de la Feria Internacional de Turismu Fitur 2019.

Asisten tamién la direutora xeneral de Desendolcu Rural y Agroalimentariu, Mª Jesús Aguilar; la direutora xeneral de Padrmuñu Cultural, Otilia Requejo, y el direutor xerente de la Sociedá Pública de Xestión y Promoción Turística y Cultural del Principado, Alejandro Calvo.

Isaac Pola referendó’l so “sofitu decidíu a la candidatura”, qu’acarreta, dixo, una nutría representación y amueses de sofitu que “bien merez por cuantu supón a esta tierra”. “Non solo n’aspeutos económicos, sinon tamién, como un marcador cultural en positivu. Ye una de les nueses banderes a la hora de proeyutorar la imaxe de la nuesa gastronomía, del nuesu ‘Destín Asturies’ y qu’ensin dubia tamién tien un importante valor turísticu enartáu dientru d’un productu gastronómicu, pero que costitúi un iconu más de ‘Asturies Paraísu Natural’”  amesto’l cosneyeru.

Pela so parte, Mª Jesús Alvarez sopelexó: “Queremos poner en marcha varies iniciatives, a la gueta d’embaxaores en tolos conceyos d’Asturies y tamién fuera de la nuesa Comunidá, tamién en tolos Cientros Asturianos y en toes aquelles entidaes o istituciones que quieran collaborar con nós. Embaxaores que guetarán sofitos al traviés de diferentes aiciones como la xestión d’un llibru firmes, que guetarán patrocinaores pa que vinculen les sos actividaes profesionales, los sos negocios hosteleros o merciales: y distribuyendo distintivos per toa la nuesa Comunidá Autónoma. Tamién, al traviés d’una páxina uwb na que podrán recoyese sofitos y, por supuestu, incorporando la participación de toos aquellos que se sientan implicaos na mesma, que quieran espardela, que quieran desplica-y al mundiu qué ye la Cultura Sidrera Asturiana y qué sinifica pa caún d’ellos. Ye perimportante esti sofitu plasmáu n’hestories en primer presona, en biografíes particulares, parte d’esti caudal d’emoción qu’enzarra la candidatura”.

(Visited 2.464.438 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies