Inicio > Sin categoría > La botella asturiana de sidre, única nel mundiu
Sin categoría

La botella asturiana de sidre, única nel mundiu

La fecha clave de la so nacencia ye 1880, cuya forma ye yá l’actual.

LA SIDRA.- Llevamos tomando sidre más de dos mil años, pero ¿cuándo nació la botella de sidre tal que lo conocemos?

L’etnógrafu Inaciu Hevia Llavona (1965), autor de referencia sobro sidre y llagares tradicionales y gallardonáu en 2012 col premiu Fierro Botas pol so ensayu “La Botella de Xixón. Oríxenes y desendolcu hestóricu de la botella de sidra d’Asturies”, desplica les razones del so diseñu.

Enntes de la invención de la botella de sidre, ésta echábase dende la pipa nes xarres o zapiques. L’echáu actual ye una imitación de cómo se espicha la sidre dende la pipa.

La botella de Xixón”, como se conoz popularmente a la botella de sidre por llevar nel so culu’l nome de la ciudá, fabrícase dende 1844 en La Industria, fasta qu’abrió la fábrica de La Calzada, Xixón Industrial, darréu Xixón Fabril.

Los primeros diseños ispírense nes botelles que se faíen n’Inglaterra, siguiendo’l modelu bordelés. Utilízase vidriu escuru pa protexer la bébora de los rayos ultravioleta y afáense a la midía de la sidre, con un pescuezu que dexa l’echáu por aciu la carauterística curva, nomada “pierna de dama”, pa frenar la velocidá de salida de la sidre.

La fecha clave pa la nacencia de la botella de sidre ye 1880, cola nomada “molde fierro”, fabricada con moldes de trés pieces de fierro y cuya forma namás varió unos milímetros dende esta fecha fasta anguñu.

Les botelles recíclénse nun porcentaxe bien elleváu, polo que podríemos tar bebiendo sidre echao d’una botella ¡con más de 100 años d’antigüedá!

(Visited 2.465.430 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies