Inicio > Llagares > La bébora del branu
LlagaresTasties

La bébora del branu

Na prósima revista que ta al salir vamos ufiertar na nuesa seición d’harmonizaxes estremaos platos combinaos con sidres nacionales ya internacionales

LA SIDRA.- Asturies paraísu natural… ¡Y entá siquier! Ensin dulda hai qu’estimar la maraviósa redolada que tenemos; y agora que llegó’l bon tiempu, esfrutar colos nuesos seres queríos al campu y con total seguranza ye un lluxu del que non toos pueden presumir, como lluxu tamién lo son les nueses sidres y nun mos referimos namás a la natural –que de xacíu–, tamién a los otros tipos que podemos tastiar en terraces, merenderos o nun pícnic.

Na próxima edición de la revista la sidra propon ocho harmonizaxes con sidre, darréu damos dellos exemplos de los platos qu’incluyimos.

Chips de kale

Tou un descubrimientu per parte de la nuesa collaboradora checa Jana Procházková. Tratar de fueyes de kale, o tamién pueden ser de berza, cortaes en forma cuadrangular, alboraes con un pocu d’aceite d’oliva virxe extra, y puestes nel fornu a baxa temperatura fasta que consigamos la testura cruxiente de les chips. Un snack deliciosu, bonu de preparar, y bien bien sanu. Aparte, como ye de suponer, nun pesa nada, polo que ye ideal pa les salíes al campu o inclusive al monte. Amas pue probase con distintos condimentos y especies fasta dar cola combinacion que mas mos preste. Una gran idega culinaria, y non solo pal branu.

Salmorejo

Frescu, sanu y deliciosu. Ye perfechu pa tastialo con bon tiempu y al campu. Pa cuatro presones vamos usar un quilu tomates maduros, media fogaza de pan y meyor si ye de díis anteriores, una o dos serugues d’ayu, aceite d’oliva arramen extra y sal. Vamos escomenzar ferviendo agua nuna pota. Cuando tea n’ebullición vamos amestar tomate demientres cinco minutos. Sacar y retiramos el pelleyu. Cortamos el pan en rodaxes y ponémoslu nuna escudiella,  amestamos los tomates, una cuyarada de sal, l’ayu picáu, y tou esmagayao fasta algamar la testura que mos prui. Mentes esmagayemos los ingredientes podemos dir amestando mediu vasu d’aceite d’oliva, anque esta midía ye al gustu. Cuando tea too entemecíu, vamos probar y vamos correxir de saborgu. Esos son los ellementos básicos del salmorejo, pero esisten presones a les que-yos presta amestar un chorrín de vinagre pa potenciar el so sabor. Si esti ye’l casu, encamentamos el vinagre de sidre. Ye nidiu y nun tapa’l saborgu de los otros ingredientes.

(Visited 2.464.210 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies