Inicio > AS > Noticies > “Kit” pa facer sidre
Noticies

“Kit” pa facer sidre

Ún de los llamaos “gadgets” que los portales ueb encamentaron pa regalar nes navidaes.

LA SIDRA.- Pa estes fiestes pasaes distintos portales ueb de regalos tornárense por demás visitaos por presones que busquen una idega distinta p’agasayar a los suyos. Dientru d’ellos, la seición de gastronomía xorreció esponencialmente nos postreros años. Distintos blogueros especializaos nesta tema afirmen qu’hebio “un boom” n’ utensilios, llibros y los llamaos “gadgets”de cocina. Va cinco años tres los llamaos “kits” pa fabricación de cerveza artesano fueron ganando fama nos portales de vienta online. Y agora la sidre amestóse a los encamientos que faen dichos espacios de la rede.

 

“Si yes un amante d’Asturies y de la so sidre col ‘Kit pa ellaborar sidre’ vas poder ellaborar fasta tres vegaes la to propia sidre dende la to casa” diz ún d’ellos. Anque solo basta echar una güeyada a la caxa regalu pa damos cuenta de qu’en ná tien que ver cola nuesa bébora tradicional. El “kit” en cuestión inclúi xarra de formientadura de 3,8 llitros tapón de rosca, esclusa, tubu de tresvase, tres paquetes de lleldu de sidra y trés d’esterilización. La resultancia, obviamente, ye una sidre esplumoso y dulce –yá que se pide echar miel al amiestu–.

Bono, esti kit ye un regalu interesáu, pero fasta ende. En ná pue comparase a la sidre casero con cientos d’años de tradición nel nuesu país. Sicasí resulta interesante ver cómo la sidre gueta abrir camín n’estremaos mercaos y les ideges que surden n’otros países, como, nesti casu, los Estaos Xuníos.

(Visited 2.466.032 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies