Inicio > Sidreturismu > José Andrés: “Everybody drinks cider”
Sidreturismu

José Andrés: “Everybody drinks cider”

El xef internacional asitiáu nos Estaos Xuníos amuesa en Twitter cómo se bebe la sidre natural asturiana nel so natal Mieres

LA SIDRA.- De la Plaza Requexu pal mundiu. El famosu xef José Andrés quinxo tresmitir cómo se vive la cultura de la sidre asturiano a tolos sos siguidores, a los más de 800 mil que tien per tol planeta y que tán na rede del páxaru azul.

“Esti ye’l pueblu onde yo nací en Asturies. Equí tol mundiu bebe sidra, mirái cómo lo faen” diz el cocineru n’inglés amosando la imaxe d’una echaora que, botella sidre en man, ufierta culinos a los que tán pasando la xornada del primeru xineru na llocalidá de la cuenca minera.

Y como ye persabío equí, la sidre abre’l mambís, por eso José Andrés anuncia nel mesmu vídiu que va comer oricios, percebes y amasueles. “Y esta ye una bona manera d’escomenzar el mio díi na guapa Asturies” amiesta mentes esfruta de los rayos del sol, que per otra parte, nun son bien comunes na nuesa tierra per estes feches, pero que rellumaron con fuerza na entrada d’añu.

(Visited 725.412 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies