Inicio > Cultura sidrera > Jesús Casas sedrá presidente de Tragsa
Cultura sidrera

Jesús Casas sedrá presidente de Tragsa

Dexará la direición de Desendolcu Rural y Alimentación pa presidir la compañía pública

LA SIDRA.- Aprosimadamente hai tres años que llegare a Asturies p’asumir la direición xeneral de Desendolcu Rural y Agroalimentación. Agora vien de ser designáu pol Conseyu d’Alministración del a Sociedá Estatal de Participaciones Industrial como nueu presidente de Tragsa. Demientres estos trés años, foi comín ver a Casas en gran cantidá d’alcuentros rellacionaos cola cultura sidrera asturiana, dende feries nacionales fasta concursos d’echaores, amás de los eventos desendolcaos pola DOP Sidre d’Asturies. De fechu, esta revista entrevistólu en 2016 pa falar n’esclusiva de temes rellacionaos cola sidre asturiano.

Estrenchamente vinculáu a la reconocencia del Parque Naci0nal de Doñana como Padremuñu de la Humanidá pola UNESCO, yá que foi, ente otros cargos, el so direutor: tamién se comprometió col rellanzamientu de los trabayos d’investigación pa la reconocencia de la cultura sidrera asturiana dende la Conseyería de Desendolcu Rural, anque dichu compromisu nun pasó de les promeses y declaraciones de bona voluntá ensin dengún fechu rial concretu. Recién, nel Festival de la Sidre de Nava, Casas participó nel Sidraforum, nuna charra alderique que versó sobro la reconocencia de la UNESCO. Nesi foru siñaló “la cultura sidrera asturiana ye un ellementu que moviliza la sociedá, y eso ye lo que queremos que reconoza’l muerganismu internacional, que’l modelu de vida de los asturianos merez ser teníu en consideranza.

UNESCO: Cronoloxía del desenfotu del “Principado”

 

(Visited 2.467.100 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies