Inicio > AS > Tasties > Jeison Franco y Loreto García vencen en Sieru
Tasties

Jeison Franco y Loreto García vencen en Sieru

Dambos echaores fueron vencedores del concursu cellebráu en dichu conceyu.

LA SIDRA.- Jeison Franco y Loreto García fueron los vencedores del concursu d’echaores que se cellebró por cuenta d’Agrosieru. Franco féxose col primer llugar na clasificación xeneral con 116,40 puntos; mented que García foi la ganadora de la llocal con 113,40. Siguiendo nesta postrer categoría, el segundu puestu foi pa Gema Fanjul y el terceru p’Alesandro Morillo. Y tornando a la xeneral, a Franco siguiólu Jorge Vargas y Marcos Ramos respeutivamente. Finalmente la categoría xuvenil ganóla Alexandra Castellanos.

El concursu cellebróse por cuenta de la feria que, sigún los entamaores, “foi tou un ésitu”. Nesti tamién se reconoció’l llabor del clú sierense “Amigos de la mazana dedicada al estudiu ya investigación d’esti frutu tan importante p’Asturies. En cuantes al concursu de ganáu, el conceyu de Cangues d’Onís foi’l más premiáu llevando cuatro de los entítulos principales.

Cabe siñalar que la campiona Loreto García ufiertó’l pasáu xueves un cursu d’echáu pa los llagareros internacionales participantes nel VI SISGA. El taller dióse nel llagar JR, y, amás d’indicar la téunica pa poder echar un bon culín; tamién desplicó los motivos polos que se tien d’echar la sidre y les cualidaes de golor y saborgu que se realcen cuandu s’echa nel vasu.

(Visited 686.492 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies