Inicio > AS > Noticies > “Iyán de Tazones” preséntase na Sidrería La Pumarada
Noticies

“Iyán de Tazones” preséntase na Sidrería La Pumarada

Xose Nel Navarro presentará un nueu capítulu de la novela hestórica per fascículos “Dalt Vila”, concretamente l’entituláu “Iyán de Tazones ente gascones y pirates echando nos sidrosos mares d’Eivissa”

LA SIDRA.-  Esta nueva entrega ta dedicada a los llagareros asturianos, y nella “Iyán de Tazones desplica a gascones y pirates como se tien qu’echar la sidre y los munchos  beneficios qu’echala da”.

La propuesta del autor, d’una novela hestórica per fascículos resulta especialmente orixinal nel panorama lliterariu d’anguañu. Sigún el proyeutu inicial la obra en total cuntará con 120 entregues, lo que supón unes 1.200 páxines, y ta protagonizáu pol inxenieru militar romanu Giovanni Battista Calvi y el pícaru Iyán de Tazones.

 

La presentación d’esti XIV capítulu tendrá llugar na Sidrería La Pumarada, de la yá mitica Gascona carbayona, el llunes 6 de marzu a les 18 hores, y na presentación tará, arriendes del autor, Xosé Nel Navarro, el filósofu y miembru de l’ALA Lluis Xabel Álvarez.

Xosé Nel Navarro ye conocíu pol so compromisu políticu y social asturianu, arriendes de por una intensa actividá nel tarrén cultural, siendo de destacar el so ensayu “L’Horru: una arquiteutura del sieglu XXI”.

(Visited 2.466.616 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies