Inicio > Eventos > IX Concursu de Sidre Casero fecho en Maera
EventosLlagaresPSLATasties

IX Concursu de Sidre Casero fecho en Maera

Tendrá llugar el domingu 4 d’abril dientru les actividaes presenciales la Primer Sidre L’Añu; el xuráu escomenzará a tastiar les botelles presentaes a les 12:30 hores y prevese que’l veredictu emítase dos hores dempués

LA SIDRA.- Un añu más va llevase a cabu’l Concursu de Sidre Caseru Fecho en Maera. Va Ser una de les actividaes presenciales que se van realizar dientru de la Primer Sidre L’Añu 2021. El díi en que va tener llugar el certame va ser el domingu 4 d’abril y va ser nel Muséu del Pueblu d’Asturies en Xixón.

Hai que destacar qu’esti concursu ye únicu na so especialidá. En primer llugar porque ta empobináu a llagareros non profesionales qu’empleguen el sistema tradicional d’ellaboración de sidre en pipa de madera. L’oxetivu de la Fundación Asuries XXI al entamar esti concursu foi’l de dar un impulsu al usu d’esti material para la produición de sidre, una y bones esta triba de depósitos fueron cayendo adulces en desusu pola xeneralización de los que son de fibra de vidriu o d’acieru inoxidable.

Per otru llau, tamién hai que siñalar qu’esti certame ye de los pocos esistentes que tien ámbitu asturianu, una y bones la mayoría de los que se cellebren sobro sidra casero, tán llindaos al conceyu nel que se convoquen. Ta previstu que’l concursu escomience a les 12:30 hores y la entrega premios sedrá a les 14:30 aprosimao.

El xuráu va tar presidíu, como n’años anteriores, pol especialista en sidre Manuel G. Busto; y tamién se va cuntar cola presencia del tastiaor Joaquín Fernández. A ellos amestaránse otros dos xueces cuyos nomes daránse a conocer en prósimos díis. Los ellaboradores non profesionales que deseyen participar puen ponese en contautu cola organización al teléfonu 652 594 983 n’horariu de 9:30 a 13:30 o per whatsapp

El certame llevaráse a cabu de la siguiente manera: En primer llugar va rializase una ronda de preseleición na que’l xuráu va escoyer cinco sidres de toles que se presenten, les escoyíes van ser les que pasen a la final. La taastia va ser a ciegues y va cuntase con un echaor espertu. Dempués d’una posa va escomenzarla segunda fase de la prueba, que va consistir en que’l xuráu tastiará les sidres finalistes. Nel casu de que nun hebia dengún empate tocantes a los puntos, va dar en emitir el veredictu. Nel casu de que sí hebia empate, tornarán tastiase les sidres que llograren la mesma puntuación pa saber qué llugar ocupa caúna de les participantes.

Comu se siñalare, a les 14:30 aprosimao va informase del veredictu del xuráu y los ellaboradores van recibir los premios, y los 6 primeros un diploma indicando’l puestu nel que quedó la so sidre

PRIMER SIDRE L’AÑU / MEYOR PRIMER SIDRE L’AÑU / SIDRACRUCIS / TASTIA GUIADA / IX CONCURSU DE SIDRE CASERO FECHO EN MAERA

/14

(Visited 2.466.045 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies