Inicio > AS > Eventos > Intensa xornada de “Asturfusión”
Eventos

Intensa xornada de “Asturfusión”

reisiloPomarinaSidre, cocina y música asturiano harmonicen nel eventu gastronómicu más importante del añu.

LA SIDRA.- Segundu díI en Madrid Fusión y los profesionales de la gastronomía asturiana fixeron esfrutar a los asistentes al eventu de los productos qu’ufierta la nuesa tierra al harmonizar sidre, cocina y música. Sí, música asturiana per parte de la Orquesta de Cámara de Sieru que combinó acordes cola cocina del xef José Andrés. L’internacional cocineru demostró énte’l públicu del ária de conferencies lo bien que combinen la música tradicional d’Asturies cola gastronomía de vanguardia. José Andrés tamién ye sociu de la quesería Rei Silu. Ésta ufiertó una tastia nel stand de Grupu El Gaitero maridando el so postrer quesu premiáu cola sidre Pomarina brut.

 

Y hebio más cocina asturiano nel pabellón d’espositores de la tercer planta de Palaciu de Congresos de Madrid. Bruno Lombán, del restorán Quince Nudos; y Jaime Uz, d’Arbidel, realizaron toa una demostración de platos d’autor nel stand d’Aguavida. “La presencia asturiana comu visitante a Madrid Fusión ye estupenda. Agora, istitucional: cero, nula. Nun hai un stand del “Principado”, criticó Lombán, ún de los seyes finalistes que van competir mañana nel II Campionatu internacional a la meyor croqueta del mundiu. Na amuesa, tamién tuvo presente Viri Fernández, del Llar de Viri. La guisandera allabó los nuevos enclinos gastronómicos, pero tamién quinxo destacar la importancia de la cocina tradicional: “Echo de menos esa comida, porque ensin ella nun podría haber Madrid Fusión.” Igualmente Jaime Uz tevo unes pallabres a la revista LA SIDRA. “Veo fenomenal a la cocina asturiana. Tien una calidá terrible en tolos niveles.  N’Asturies hai diversidá y calidá” sorrayó’l xef estrella Michelin 2015.

Tocántenes a la restauración asturiana, Emilio Rubio, de Sidrería Ramón, foi ún de los representantes de los establecimientos y llocales que pasaron per Madrid Fusión. El so interés pol productu d’alta calidá ye lo que-y impulsa a tar al tantu de toles novedaes gastronómiques que s’esponen nel eventu: “Impresiona ver la variedá de productos y ellaboraciones de la man de tan bonos profesionales. En tres díis tolo que ves ábrete la mente” siñaló l’empresariu quien confesó que lo primero que fixo al llegar a la cita gastronómica del añu foi tomar un culín.

 

sidre, sidra, sidro, cider, cidre, sagardoa, Apfelwein, Píngguǒ jiǔ, cidro, siideri, seidr, leann úll, Saidā, sider, jablečné víno, jabłecznik, sydr

(Visited 2.464.223 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies