Inicio > AS > Noticies > Indenización a dos trabayaores del Muséu de la Sidre
Noticies

Indenización a dos trabayaores del Muséu de la Sidre

Demandaron la rescisión del so contratu y algama los 68 mil euros.
A entamos d’esti añu los trabayaores del Muséu de la Sidre tomaron la decisión de llevar énte la xusticia la so situación llaboral. Dellos meses d’impagos faíen insoportable la so situación nel cientru. La Fundación de la Sidra, que dirixe’l muséu, solicitó un creitu pa poder paga-yos. Dos de los trabayaores siguieron el so procesu pela vía llegal demandando la rescisión del so contratu polos continos retrasos que sufríen nos sos llibramientos. Agora una sentencia llegal dio-yos la razón ya indica que se-yos debe abonar 68 mil euros a dambos pola rescisión del contratu. 

Esta sentencia llega nun momentu nel que’l muséu ta pasando por una etapa complicada, cuantimás en materia económico. Nun hai dineru pa faer frente a les indenizaciones y el camín que va siguir la fundación va ser la de recurrir el fallu. Metantu y  non, l’alcalde Juan Cañal sigue calteniendo la so intención de “reflotar el muséu” per mediu de la integración d’esti al Recrea, colo qu’implica de modificación de los sos fines estatutarios al facer del Muséu de la Sidre un simple reclamu turísticu.

 

(Visited 869.911 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies