Inicio > AS > Noticies > III Xornaes Gastronómiques d’Alimentos Ecolóxicos
Noticies

III Xornaes Gastronómiques d’Alimentos Ecolóxicos

Ente les propuestes figuren platos fechos con sidre ecolóxico; n’Asturies son cincolos llagares apautaos a la certificación.

LA SIDRA.- Del 22 al 30 d’ochobre cellebraránse les III Xornaes Gastronómiques d’Alimentos Ecolóxicos promovíes pol Conseyu de la Produición Agraria del “Principado” d’Asturies (COPAE).  Nueve van ser los restoranes que van participar nelles con diverses propuestes gastronómiques ente les que destaquen ellaboraciones realizaes a base de sidra, xata casina, productos de la güerta y llácteos. Dientro de la COPAE tán les sidres Cortina, Fanjul, El Güelu, El Nocéu, Valleoscuru; y empreses como Agregoco, Grusifas y Llagares Asturianos.

Los llagares y empreses mentaos fueron aprobaos por una certificación promovía pol COPAE, que ye necesaria pa que’l consumidor tea la garantía de que los productos fueron producíos, ellaboraos, envasados y comercializaos sigún les normes de l’agricultura ecolóxica. La collaboración colos restoranes pretende da-y puxu al consumu de productos ecolóxicos llocales que contribúin al desendolcu económicu caltenible del mediu rural asturianu.

 

Les xornaes, emarquense sol llema ‘Vas Saber a qué Sabe’ y participen restoranes de tol país, del oriente al ocidente asturianu: Casa Chema y Secreto a voces n’Uviéu, La Corrolada del Indianu en Les Arriondes, Eutimio en Llastres, La Corriquera  en Llanera, La Talamera en Ribeseya, La Corte de Antón en Xixón, Casa Rodil en Los Ozcos, y Casa Telva en Valdesoto. La introducción de los alimentos ecolóxicos nesti tipu de restoranes, qu’apuesten polos productos llocales, sostenibles y saludables, demuesen que la produición ecolóxico ye un seutor con futuru. Asina se reflexa nos datos d’evolución de los rexistros del COPAE.

El volume de la produición agrícola y ganadero certificao en 2015 foi de 4.200 tonelaes. A esta produición primaria d’Asturies hai d’amestar el volume de los productos ecolóxicos tresformaos nes industries y certificaos pol COPAE, qu’en 2015 algamaron les 6.600 tonelaes, con un volume de facturación de 7 millones d’euros, lo que supon una medría del 7 % respeutu al añu anterior.

(Visited 2.466.329 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies