Inicio > AS > Eventos > III Concursu de Sidre Casero de Piloña
Eventos

III Concursu de Sidre Casero de Piloña

Bate récor de participación con 31 llagareros del conceyu.

LA SIDRA.- Esti domingu de magar les 11:30 hores tendrá llugar la final a la que pasaren 12 sidres tres un procesu de preseleición, y darréu habrá una preba pública de la sidre casero de Piloña presentao al concursu, asina como la de varios llagares caseros navetos que tamién quien collaborar col eventu, por ser Nava “Conceyu Invitáu” nesti concursu.

En total pondránse a dimposición de los asistentes alrodiu de los 1.000 llitros de sidre, que podrán degustase siguiendo l’avezáu sistema de mercar el vasu comemorativu por 3 € pa prebar tola sidre que pete.

Esti añu l’eventu cellebraráse’l concursu a la Plaza’l Ganáu de L’Infiestu, y la folixa sidrera sedrá nagurada col pregón del únicu llagareru industrial que queda nel cocneyu, Fernando Álvarez “Nando”, de Sidra Mestas, a les 12 hores, pero dende les 11:30 habrá pasacais con un carru del país dende’l que s’invitará a tomar sidre. Too ello amenizao cola Bandina “Los Gascones”.

Los premios son de 200 €, troféu y diploma pal ganaor, 100 €, troféu y diploma pa segundu y pal terceru 50 €, troféu y diploma, pasando los trés a representar a Piloña nel Concursu de Meyor Sidre Casero d’Asturies. Arriendes d’ello, los doce preseleicionaos llevarán troféu y diploma.

Esti añu como novedá tamién habrá un Premiu Popular, pudiendo votar los asistentes a la sidre que más-yos preste. 

Eso sí, el cartelu de la convocatoria en “recio castellano”, como si fuéremos de Valladolid… sedrá “pol turismu”. El cosmopaletismu nun descansa.

(Visited 2.464.446 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies