Inicio > AS > Tasties > II Premiu Dulce de Mazana
Tasties

II Premiu Dulce de Mazana

Convócase’l II Premiu Dulce de Mazana dientru la II Fiesta de la Mayada y la Sidre que se cellebra en Noreña del 11 al 13 payares

LA SIDRA.- Son munches les coses que se puen facer coles mazanes y daqué que ta perbono, y que siempres se fexo pa en casa ye’l dulce de mazana, una llambionada perfecha y de muncha bayura alimentaria.

Por eso, los entamaores de la II Fiesta de la Mayada y la Sidre, convoquen esti segundu concursu de dulce mazana, porque hai que da-y puxu a la tradición y hai qu’esfrutar d’un productu tan bonu.

El concursu tendrá llugar el 13 payares en Noreña, y les bases pa participar son les que vienen darréu:

 


_____________________

BASES:

Participantes
Podrán participar nesti concursu toes aquelles presones que lo deséen, pudiendo presentar un másimu de dos recetes por presona.

Muestres
Ca participante presentará una muestra de dulce de mazana ensin identificar.
La inscripción y entrega de les muestres pue facese el mesmu díi, fasta 30 minutos enantes del entamu del concursu, nel propiu espaciu onde se cellebra la Fiesta de la Mayada.

Preba
La preba sderá pública pol métodu de tastia ciega, y tendrá llugar na Sala Polivalente de Noreña.

Xurau oficial
La organización de la Fiesta de la Mayada nomará un xurau oficial formau por cinco presones, encargaos de seleccionar la ganaora.
El xuicio del xurau sedrá inapelable.

Presentación de les muestres
La tastia de los dulces de mazana faerase a ciegues.

Puntuación
Ca miembru del xurau escoyerá’l so preferíu y pondranlo en común y decidirán cual ye’l meyor dulce de mazana d’esta edición.
La votación individual de cada xurau sedrá secreta.
Paralelamente pondráse a dimposición del públicu una muestra de cada dulce de mazana pa que lo tastie y vote en secretu cual ye’l so favoritu.
El mas votáu sedrá’l ganaor del premiu del xurau popular, salvo que coincida col del xurau oficial, que entós pasará al segundu mas votau na tastia popular.

Premios
Habrá dos premios: primeru del xurau oficial y primeru del xurau popular.
Los premios sedrán entregaos al finalizar el concursu.

Aceptación de las bases
La participación nel concursu supón l’aceptación d’estes bases.

(Visited 538.706 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies