Inicio > AS > Tasties > I Concursu de Sidre Casero en Güerres
Tasties

I Concursu de Sidre Casero en Güerres

Llevaráse a cabu’l 1 d’ochobre na Plaza La Estadia, les iscripciones son fasta’l 25 setiembre.

LA SIDRA.- Los concursos de sidre casero siguen aumentando en toa Asturies. Tamos finando’l branu, pero tamién na seronda habrá certames. El primeru d’ellos ye’l qu’entama Güerres, Colunga, dientru de les sos fiestes n’honor a “Nuestra Siñora’l Rosariu” que tendrán llugar dle vienres 30 setiembre al domingu 2 d’ochobre. El díi escoyíu pa llevar a cabu la preba ye’l sábadu 1 d’ochobre a les seyes de la tardi na Plaza La Estadia.

El primer premiu ganará troféu, milenta corchos y dos vales de llámpares. El segundu sedrá asemeyáu, namás qu’en cuentes del millar de corchos, daránse quinientos. Lo mesmoque pal tercer puestu, por embargu, aesti caberu nun se-y obsequiará coles llámpares. Del cuartu al sétimu clasificáu reconoceráse’l so llabor d’ellaboración con un troféu.

 

Eso sí, los tres primeros gallardonaos alquirirán el drechu de participación nel prósimu Campionatu d’Asturies de Sidre Casero que tendrá llugar en Villaviciosa’l 26 d’ochobre, Más inforamción ya iscripciones al 607 397 549. Ye preciso remembrar que ye fasta’l díi 25 setiembre cuandu los participantes puen iscribise.

Xustamente, el díi que see cellebra’l concursu de sidre casero rializáráse pela nuechi la XII edición del Festival de les llámapares, un eventu que se recuperó l’añu pasáu y que d’aquella tevo una perbona participación.

 

 

(Visited 2.466.998 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies