Inicio > Chigres > Hotel, agües termales, y bona xinta en Ponga
ChigresChigresEncamientosEncamientosSidreturismu

Hotel, agües termales, y bona xinta en Ponga

La Casona de Mestes atópase en plenu Parque Natural de Ponga. Trátase d’una antigua casona asturiana restaurada pa esfrutar del turismu rural, cunta con un hotel con capacidá pa 28 presones, una casa de baños termales y un restorán bien curiosu.

LA SIDRA.- Asitiada a los pies del Cordal de Ponga, col Tiatordos (1951 m.) como referencia, na mesma xuntanza de los ríos Ponga y Tarañes y col míticu bosque de Peloñu al so alredior. 

L’acesu faise perfechamente dende la N-625 Cangues d’Onís en direición al puertu del Pontón desviándose en direición Beleñu pela As-261 y llueu desviándose a Taranes.

Con Xamín Abella al frente de la casona, y perespecialmente de la cocina, el serviciu de restauración tien una bona presencia de sidre, dende la natural de Cañón al Roxmut, Zapica calistrao, la crema d’auguardiente y l’auguardiente de sidre Los Serranos.

Cocina asturiana al cientu per cientu, de la que destacamos les carnes del Conceyu Ponga, la fabada, les fabes con xabaril y los pimientos rellenos de xabaril. Pa detrás, la crema de quesu Los Beyos con miel supón un puntu y aparte gastronómicu.

¡Visita obligada!

 

Les Mestes. Ponga / T. 985 84 30 55

(Visited 2.465.910 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies