Inicio > Cultura sidrera > Homenaxe a Raúl García Busto
Cultura sidreraEventosLlagares

Homenaxe a Raúl García Busto

L’hestóricu colleicionista d’etiquetes de sidre, fináu recientemente recibió un sentíu homenaxe entamáu polos sos collacios de Sidrastur, qu’editaron una etiqueta comemorativa con tala sida.

LA SIDRA.- Un referente hestóricu nel colleicionismu d’etiquetes de sidre, y una presona d’una calidá humana impresionante, esi foi Raúl García Busto, acabante de finar y homenaxeáu nel díi d’ayeri polos sos collacios de l’asociación de colleicionismu sidreru, Sidrastur, de la que foi ún de los sos aniciaores.

Nel homenaxe, en forma espicha y rializáu nos llocales de la revista LA SIDRA, participaron non solo los sos collacios sinon múltiples amigos del mesmu, destacando la presencia de Consuelo Busto y Verísimo Busto (Sidra Busto, Mayador), asina como otros miembros de la so familia.

Les estremaes intervenciones que tovieren llugar nel homenaxe resultaron especialmente emotives, destacándose’l compañerismu y la bonhomía del mesmu, y compartiéndose alcordances de Raúl.

Tres les intervendiones dióse-yos a los sos fíos un recuerdu simbólicu, cola etiqueta comemorativa, lo qu’agradecieron con sentíes pallabres.

Dende la revista LA SIDRA, que participó activamente nel eventu, aprofitamos tamién pa rendir un sentíu homenaxe a esti iconu del colleicionismu sidreru y amestamos a les condolencies daes a la so familia y amigos.

 

(Visited 2.466.719 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies