Inicio > AS > Noticies > Hayqueagarrase
Noticies

Hayqueagarrase

La bienal popular de la sidre casero cellebrada en Deva.

VER SEMEYES

El sábadu 10 de setiembre tornó a cellebráse’l concursu de sidre casero qu’entama Ricardo García na parroquia de Caldones, en Xixón. Pudiéramos dicir que ye un concursu informal, porque nun s’acueye a la rede de concursos de sidre casero más conocíos, pero nun sedría verdá, porque la seriedá vien-y de la forma de facese, el rigor del xuráu popular.

El concursu ye un certame ente amigos y n’elli puen participar tolos ellaboradores aficionaos que quieran presentase colo meyor de la so casa; el rigor del xuráu del que falábemos tá nidiu, son tolos aficionaos a la sidre que s’averen a la solombra l’horru de la casería de Ricardo, ente los qu’esta vuelta pudimos ver al afamáu Pola, del programa La Quintana de la TPA, y que puntuen les sidres cola responsabilidá de ser la so opinión la que yos dea a los ganadores el premiu que d’avezu se vien concediendo: un vasu sidre conmemorativu y una fardelina fabes, que s’entreguen tres de la xinta que se fai nel so prau, acompangada coles sidres que se presentaren al concursu.

Esti añu vinieron ellaboradores de los conceyos de Balmonte de Miranda, Piloña, Villaviciosa, Llangréu, Parres, Uviéu, Xixón y Carreño, arriendes d’una familia de llagareros galeses allugaos en Llanes, tolos cuálos llevaren el so vasu del concursu, y d’ente los que salieren los tres ganadores: Eduardo, de Caldones, que quedare’l primeru, y Luis, de Candás, y Pepín, de L’Infiestu, que quedaren segundu y terceru.

Testu y semeyes: Donato Xuaquín Villoria Tablado.

(Visited 656.858 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies