Inicio > AS > Noticies > Guipúzcoa invierte 6 vegaes más que’l “Principado” en pumaraes
Noticies

Guipúzcoa invierte 6 vegaes más que’l “Principado” en pumaraes

Namás en Guipuzcoa, les istituciones vasques invierten n’aídes a pumaraes de sidre 290.000 euros, mentes el “Principado” nun invierte más que 50.000.

LA SIDRA.- Carmen Fernández, diputada de Foro y portavoz de Recursos Naturales na Xunta Xeneral, comparó la promoción del pumar de sidre que se fai nuna sola de les provincies vasques cola que fai tol “Principado”, poniendo n’evidencia que mentes n’Asturies nun s’invierten más que 50.000 euros, namás en Guipúzcoa lleguen cuasique a sestuplicar esa cantidá: 290.000 €

La diputada de Foro punxo asina n’evidencia’l desenfotu del “Principado” respeutu a la sidre, y alvirtió que mentes equí se ta desdexando’l seutor, n’otres comunidaes ta faciéndose un auténticu esfuerciu por que vaiga a más, colo que’l futuru que mos espera paez nidiu.

 

Carmen Fernández recordó la necesidá qu’hai de surtir a los llagares asturianos con mazana del país, y defendió la pumarada como una actividá “qu’ensin dubia xeneraría emplegu na fastera rural, lo que contribuiría a frenar el despoblamientu de pueblos y aldegues”, asina mesmo solliñó “sedríe una práutica mui beneficiosa pal mediu ambiente, garantizando’l paisaxe asturianu y evitando la erosión del suelu”.

(Visited 797.820 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies