Inicio > AS > Eventos > Güei, presentación y harmonizaxe de Conservas Costera
Eventos

Güei, presentación y harmonizaxe de Conservas Costera

Na Sidrería El Lavaderu tendrá llugar la presentación de los nuevos productos de Conservas Costera,  comenientemente harmonizaos con sidre Menéndez, Tareco y Riestra brut y Semiseco.

LA SIDRA.-Güei 12 de marzu, de magar les 12 hores, na Sidrería El Lavaderu (Cimavilla. Xixón), tendrá llugar la presentación de la nueva gama de patés d’anchoa, bonitu’l norte, oricios, sardína y centollu desendolcaos conxuntamente col departamentu de desendolcu de nuevos productos ASINCAR de Noreña y la collaboración del IDEPA.

El proyeutu, rializóse demientres el 2015 y continúa esti añu 2016 nos sos postreros procesos de matización de recetes, analítiques de productu, nutricionales, diseños d’embalaxes, etc, partiendo siempres de materies primes de primer calidá y con tasties seleutives de munches prebes ya inclusu comparatives con patés yá esistentes nel mercáu, atendiendo a saborgu, arumes, testures y demás apreciaciones que pudieren determinar un productu 100 x 100 natural ensin aditivos, tamién apto pa celiacos.

 

L’harmonización d’estos productos fadráse con sidre natural Menéndez y Tareco, la primera d’echar y la segunda de mesa, sidre Riestra brut y Riestra semiseco, nuna tastia guiada, a cargu del prestixosu gastrónomu asturianu David Castañón, autor del blog les fartures, y collaboraor d’avezu de LA SIDRA.

(Visited 2.466.429 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies