Inicio > AS > Noticies > Gallu Pintu, la sidre de Campoastur
Noticies

Gallu Pintu, la sidre de Campoastur

gallu pintuTa ellaborada con mazanes de los sos socios y pue mercase en tiendes Campoastur y cadenes d’alimentación.

LA SIDRA.-La Coperativa del Campu Asturiano, Campoastur, sacó la so sidre natural ‘Gallu Pintu’. “Ye un nome asturianu, folixeru, rural y llama l’atención” despliquen dende les sos redes sociales. Esti productu yá pue mercase nes tiendes de dicha coperativa y en dalguna cadena supermercaos. Campoastur tamién ta preparandose pa sacar al mercáu ‘Campoastur Denominación d’Orixe’ y ‘Campoastur 3MZ’. Asina la entidá da un pasu alantre na industria sidrero yá non solo apurriendo mazana pa la ellaboración de la nuesa bébora patria, sinón agora yá ellaborándola.

Dientru de Campoastur esiste una seición de frutes y hortolices, qu’ampara tamién una organización de productores de mazana de sidre. Al traviés del llamáu ‘ATRIA’ de mazana contrólense toles fases de cultivu y la coperativa plania la produición y vienta de la mazana, cuntando con contratos con múltiples llagares del país.

Esto convierte a Campoastur nel primer comercializaor de mazana de sidre. Una parte de la produición de los sos socios dirixese a sidre con Denominación d’Orixe, y tamién pa Sidre d’Escoyeta, que s’ellabora íntegramente con mazanes de el productores de Campoastur.

(Visited 2.467.438 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies