Inicio > AS > Eventos > El Gaiteru en Dubai
Eventos

El Gaiteru en Dubai

gulfoodGulfood 2017 tendrá llugar del 26 de febreru al 2 de marzu

LA SIDRA..- Grupu El Gaiteru va llevar una misquinina d’Asturies a Dubai del prósimu 26 de febreru al 2 de marzu. Y ye que, neses feches, va tener llugar la Gulfood 2017.

Esta feria ye un escaparate estratéxicu por cuenta de que recibe visitantes de la zona del Golfu Pérsicu y Oriente Mediu lo mesmo que d’África, Sudeste Asiáticu, Europa y Oceanía y na pasada edición, cuntó con más de 5000 espositores (de 117 países) y foi visitada por más de 93.000 persones de 166 países.

 

 Como ye de suponer, nun ta permitío la esposición de productos con alcol, polo qu’El Grupu El Gaitero nun va cuntar nesta ocasión coles sidres que los fixeron famosos nel mundiu enteru. Pero eso nun supon dengún problema porque la firma, cuyos orixes remóntense a 1890, ye muncho más qu’eso.

 Por eso toos aquellos que visiten la esposición, van poder prebar  productos  ellaboraos con mazana, santu y seña de la casa, como son el Zusmiu de mazana en llata (100% natural), el Dulce de mazana o’l Sirope de Zarracina (perteneciente a empreses del grupu).

 Asina mesmo, van llevar Chip –zusmios esplumosos de distintos sabores-, Glacia citrus y Glacia blue –la bébora pa deportistes en dos sabores- y Sangría Beach, un refrescu ensin alcol con saborgu  a sangría.

(Visited 2.465.972 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies