Inicio > AS > Noticies > Foro reitera la necesidá d’un Plan de Promoción pa la Sidre
Noticies

Foro reitera la necesidá d’un Plan de Promoción pa la Sidre

Carmen Fernández: “El Gobiernu d’Asturies esbardia les sos competencies a da-y puxu a la sidre mentes el seutor esfuérciase díi ente díi por aumentar la produición”.

LA SIDRA.- La diputada de Foro y portavoz de Desendolcu Rural na Xunta Xeneral del “Principado”, Carmen Fernández, de magar del actu dellebráu’l pasáu díi 20 pa la presentación de la campaña 2017 nel Salón Sidre d’Asturies 2017 quinxo felicitar al “seutor sidreru” al empar que siñaló que’l Gobiernu d’Asturies esbardia les sos competencies pa dar puxu a la sidre mentes el seutor esfuérciase díi ente díi por aumentar la produición”.

 

Énte les declaraciones de la Conseyera nel actu, siñaló la diputada que “la Conseyera de Desendolcu Rural tien de desplicar qué midíes va aplicar que xustifiquen la so solene afirmación de que ‘habrá un enantes y un dempués’, yá que’l Gobiernu asturianu anda siempres retrasáu neso sos xeres de promoción de la sidre, habiendo una iniciativa parllamentaria pa la promoción publicitario de la Sidre d’Asturies, a istancias de Foro y aprebada en payares del añu pasáu, tando incumplía siete meses dempués”.

“La sidre ye padremuñu de tolos asturianos -afirma Carmen Fernández- polo que a toos mos prestaríe conocer les previsiones d’esti Gobiernu al respeutu, por ello, reiteramos la necesidá d’ellaborar un Plan de promoción publicitario de la Sidre d’Asturies que comprometa l’aición del Gobiernu pa que les promeses nun les lleve’l vientu”

“El Gobiernu d’Asturies adica como otres comunidaes mos adelanten na promoción y venta de sidre mentes son los productores de mazana y los llagareros lo que ponen l’enfotu y el determín; agora ye preciso un impulsu dende l’Alministración”, concluyó Fernández.

(Visited 2.466.408 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies