Inicio > AS > Eventos > Foncueva, Muñiz, Trabanco y Peñón presenten la nueva collecha de Sidre d’Escoyeta
Eventos

Foncueva, Muñiz, Trabanco y Peñón presenten la nueva collecha de Sidre d’Escoyeta

Anuncióse tamién la campaña de collaboración d’esta marca de calidá cola Fundación Sandra Ibarra de Solidaridá Frente al Cáncanu; y la nueva páxina web: http://www.sidramanzanaseleccionada.com/?lang=as, que tamién ta en llingua asturiana.

LA SIDRA.- Ayeri martes 10 de mayu al meudíi tuvo llugar la presentación de la nueva collecha de la Sidre d’Escoyeta nel Muséu del Pueblu d’Ástures en Xixón. Nesti, amás de presentar la sidre de los cuatro llagares del sellu mazana escoyía d’Asturies, tamién s’anunció una campaña na que dicha marca de calidá va collaborar cola Fundación Sandra Ibarra de Solidaridá Frente al Cáncanu pa la investigación y desendolcu de la cura d’esta enfermedá. “La collaboración fexémosla pública porque queremos que’l consumidor sepa qu’al mercar una botella de Sidre d’Escoyeta ta contribuyendo” manifestó José Manuel Riestra, de Sidra Muñiz y presidente de l’Asociación de llagareros de Sidre de Mazana Escoyía.

Nel actu tamién intervinieron Gloria Fernández, direutora de comunicación de la citada asociación; Javier Nievas, de la Caxa Rural de Asturies; Jorge González-Palacios, xerente de Divertia; y Jesús Cases, director xeneral de Desendolcu Rural y Agroalimentación. Tamién se cuntó l’asistencia de representantes de distintes corporaciones municipales asturianes; y entidaes y empreses collaboradores comu Agromar, Campoastur, Casería La Madera, COASA, COEM y Sandra Ibarra, de la Fundación.

La sidre d’escoyeta nació con trés oxetivos: da-y puxu al campu asturianu,  cuantimás a la mazana de la nuesa tierra; calidá y diferenciación nel mundiu la sidre; y finalmente, un apueste por ‘el saber faer’ y pola tradición. Dempués de la presentación los asistentes pudieron tastiar la sidre de los cuatro llagares que producen sidre d’escoyeta. Nos sos respeutivos espositores tuvieron: David M. Foncueva de Sidre Foncueva, el yá nomáu José Manuel Riestra de Sidre Muñiz, Samuel Trabanco de Sidre Trabanco; y Juan Miguel González de Sidre Peñón.

(Visited 2.467.696 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies