Inicio > AS > Eventos > Folixa de la Sidre en Ribeseya
Eventos

Folixa de la Sidre en Ribeseya

Entamada pol colleutivu Entaína, cellebraráse del 5 al 7 de mayu, y cuntará con un concursu de sidre casero, col sofitu de l’Asociación pal Fomentu de la Sidre Casero.

 

LA SIDRA.- Parón aparte pola falta de sofitu municipal, esta ye la 20 edición d’esta folixa, referencial nel oriente asturianu, y na que ca vegada ta dándose-y más puxu a la sidre casero, de tala miente que dichu colleutivu non solo convoca’l Concursu de Sidre Casero valederu pal campionatu nacional que se celebrará en Villaviciosa colos 3 primeros clasificaos, sinon qu’ellaborarán un inventariu con tolos llagares del conceyu incluyendo semeyes y una piqueña hestoria sobro los sos anicios, un trabayu de documentación indispensable n’Asturies, y tovía por facer.

 

Arriendes d’ello, y ente too una fargatada d’actividaes, ta confirmada l’actuación del grupu Dixebra, qu’agora mesmo ta cellebrando los sos 30 años d’esistencia.

Pa financiar esta Rolixa de la Sidre, Entaína sortea una cesta valorada en 2.000 euros compuesta por artículos donaos polos empresarios locales, mas un xeque de 200 euros, que se sorteará’l domingu 7 de mayu col sortéu de la ONCE. 

(Visited 2.466.257 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies