Inicio > Gastronomía > Finalistes del Concursu Cocina con Xata Roxa
Gastronomía

Finalistes del Concursu Cocina con Xata Roxa

Siete son los estudiantes d’hostelería que pasaron a la final de tol Estáu, la entrega premios va ser el 9 de marzu

LA SIDRA.- EL IES Valle d’Ayer entama la VII Edición nacional del Concursu de Cocina con Xata Roxa pa escueles d’hostelería. Un certame que tuvo qu’afaese a les circustancies y rializase de forma telemática, cola unviada de les recetes finalistes en formatu vídeu pa que’l xuráu decida’l resultáu.

Dao la elevada participación, la organización decidió que seyan siete los finalistes: Gonzalo Márquez Díaz, del CIFP Hostelería y Turismu d’Asturies, asitiáu en Xixón; Aarón Delgáu Valencia, del IES Miralbueno, de Zaragoza, Aragón; Kevin Abraham Sigüenza Peña, del CIFP San Llorienzo, d’Huesca, Aragón; Janire Loynaz Alonso, de la Escuela d’Hostelería de Gamarra, Vitoria-Gasteiz, País Vascu; Sebastián Medina Godoy, del Mediterráneu Culinary Center, de Valencia, Comunidad Valenciana; Alexia Ventura Ladero, del IES Olivar Gran, de Figueres, Cataluña y Pablo García Llorente del IES Valle d’Ayer, Morea d’Ayer, de Asturies.

El díi 5 el xuráu va disponer de les videorecetes pa puntuales y l’entrega de premios va realizase, por aciu procedimientu telemáticu, el díi 9 marzu al meudíi nel salón d’actos del IES Valle d’Ayer, dempués la presentación del actu al cargu de la direutora del centru, asina comu la presentación ya intervención de los patrocinaores y collaboraores. Los premios tán dotaos con 250 euros, 150 euros y 100 euros pa los trés primeros llugares.


(Visited 2.465.264 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies