Inicio > Sin categoría > Fallu del XIII Concursu Semeyes LA SIDRA
Sin categoría

Fallu del XIII Concursu Semeyes LA SIDRA

Participaron 565 semeye sde 28 países distintos, la entrega premios va ser el sábadu 22 de febreru a les 20:00 hores na sidrería La Galana de Xixón

LA SIDRA.- El pasáu 2 de febreru fíxose públicu’l fallu del xuráu del Concursu de Semeyes LA SIDRA. El primer premiu foi pa la semeya “Mazana” de José Agustín Gurruchaga Garagarza. El primer accésit recayó n’Arturo Rodríguez Ortiz que participó con “Perfilando’l momentu”. El segundu accésit foi pa “Bruno y Llión” rializada por Carmen Pascual Soler. Finalmente, el premiu especial qu’otorga’l llagar JR foi, otru añu más, pal asturianu Óscar Chamorro Flórez y la so instantánia “Bodegón asturianu”. Nesta edición tolos ganadores inscribieron les sos semeyes como procedentes d’España. En total participaron 565 imaxes de 175 autores provenientes de 28 países.

El prósimu sábadu 22 de febreru a les 20:00 hores va tener llugar en La Galana de Xixón (Plaza Mayor, 10) la entrega premios del XIII Concursu Semeyes LA SIDRA. El certame ta convocáu pola revista LA SIDRA, entamáu pola Asociación Asemeyando; y amás cunta col patrociniu del llagar JR y col sofitu de la citada sidrería.

Los miembros del xuráu fueron la profesora del Cislan Verónica González Maganto; Carlos Suárez Alonso, vicepresidente de Asemeyando; y Luis José Vigil-Escalera, presidente de la federación Asturiana de Fotografía.

El primer premiu ta dotáu con 700 euros y medalla d’oru de la CEF. El primer accésit con 200 euros y medalla plata de la CEF; el segundu accésit con 100 euros y medalla bronce de la CEF; y al ganador del premiu JR van apurríse-y dos caxes de sidra del llagar. En casu de que dalgún o dalgunos de los premiaos nun puedan allegar a la entrega, van recoyese los premios na so representación y van faése-yos llegar. L’acta del xuráu puede consultase nel siguiente sitiu: http://exodos.es/fallo-xiii-concursu-la sidra/

El Concursu Semeyes LA SIDRA ye’l certame fotográficu más antiguu de los que tienen la bébora emblemático asturiana como temática principal. Amás ye los pocos d’esti tipu de certames nel que nun se cobra a los fotógrafos por entrar a participar. El concursu, amás, ta avaláupor pola Confederación Española de Fotografía.

Semeya: firma de l’acta per parte de Luis José Vigil-Escalera, presidente del xuráu

(Visited 2.465.881 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies