Inicio > AS > Tasties > Fallu del Concursu Semeyes LA SIDRA
Tasties

Fallu del Concursu Semeyes LA SIDRA

Esti xueves 15 de xineru aconceyará’l xuráu del VIII Concursu Semeyes LA SIDRA.

LA SIDRA.- El fallu del VIII Concursu Semeyes LA SIDRA tendrá llugar esti prósimu 15 xineru nos llocales de la Fundación Asturies XXI (Prendes Pando 11 baxo. Xixón), y comu davezu les sos deliberaciones sedrán abiertes al públicu, que podrá siguir el procesu de seleición y participar nun alderique col xuráu.

El VIII Concursu Semeyes LA SIDRA, cunta col sofitu del Llagar J.R. y la collaboración de la Sidrería La Galana.  L’actu entamará a les 20:30 hores, darréu que la participación comu miembros del xuráu de dellos fotoperiodistes obliga a adautase al horariu llaboral de los mesmos.

El mecanismu pol que se conceden los premios ye enforma particular, darréu que les semeyes preseleicionaes (más d’un centenar) sedrán proyeutaes nel actu, y el Xuráu dirá valorándoles una a una, procediendo a esbillar ente elles fasta que s’algamen los premios previstos pal concursu.

(Visited 1.158.528 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies