Inicio > AS > Noticies > Euskal Sagardoa. Sidre vasco con Denominación d’Orixe
Noticies

Euskal Sagardoa. Sidre vasco con Denominación d’Orixe

Reconoz a 115 races de mazana, inclúi a 36 llagares y esti primer añu yá corcharán 1.320.000 llitros.

LA SIDRA.- La denominación d’orixe vasca, Euskal Sagardoa, llevará na botella un sellu de garantiua numberáu y la imaxe identificativa de la mazana collorada, arriendes d’ello la botella va encapsulada tamién de collorao y con una mazana calada.

Desde 2011 la sidre n’Euskal Herria cuntaba con dos sellos de calidá Eusko Label y Gorenak, col aniciu d’Euskal Sagardoa, dambos xúntense nun mesmu proyeutu que cunta col sofitu de les tres diputaciones forales y el gobiernu vascu.

 

Nesti primer añu la marca de calidá axunta a 36 llagares, reconoz a 115 races de mazana, cunta con más de 200 hectáries de pumaraes y corcharán 1.320.000 llitros. En cuantes al certificáu de calidá que llevarán toles botelles, el llaboratoriu especializáu Fraisoro sedrá l’encargáu de contrastar la calidá y Hazi encargaráse de verificar el procesu.

Ye de valorar que cuntando Euskal Herria con menos de mediu millar de races autóctones, reconocieren yá pa la so DOP a 115, mentes n’Asturies, que superamos les 2.000 namás se reconocieren 14, que caberamente pasaron a ser 23, y agora anden anunciando  qu’algamarán les 41, porque como se reconoz dende’l SERIDA “Creyemos qu’esto ye bono pa la sidre, los productores y el padrimoniu cultural-xenéticu del nuesu país”. ¿Entós? ¿Por qué nun se fain les coses mínimamente bien dende un entamu? 

(Visited 685.887 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies