Inicio > AS > Noticies > Estíbaliz encamiéntate: callos en La Fontaine
Noticies

Estíbaliz encamiéntate: callos en La Fontaine

Amás de les tripes, perfechamente llimpies, esti platu lleva focicu y pata de xata y caces de gochu perbien desgüesaes.

LA SIDRA.- Gústenme los callos. Siempres toi guetando llocales onde los pongan, y meyor si los acompango con una botella sidre. Paezme qu’harmonicen a la perfeición. Los mios compañeros y collacios saben d’esa pasión mía y por ello munches vegaes invítenme a que prebe lo qu’ellos descubrieron. Esti fo’l casu de La Fontaine, nel Camín de Cabueñes 1185. Yá me falaren d’ellos enantes y por eso la fin de selmana teníala prevista pa empobiname al alrodiu rural de Xixón y desgustra esti platu que, como aconseyen les güeles: “los callos asturianos picantinos, piquiñinos y pegañosos”, y los d’equí cumplen estes tres cualidaes.

 

Dende la primer cuyar –cubiertu col que se tienen de comer como saben los espertos-, notábase que poseyíen ún de los ingredientes primordiales pa la so ellaboración: la pacencia. Les tripes tabenperfechamehnte llimpies, mui cortaínes. Pero tamíen taben cocinaos con fociu y pata de xata; y caces de gochu, perbien desgüesaes los que ye d’agradecer. Inclúise nesti platu unpocu xamón y chorizu, pero güeyu, na so xusta midía. Porque como se dez “los callos tienen que saber a callos”. De manera quelos postreros ingredientes nun descirtuaben esti saborgu. Y el picante lo mesmo, una misquinina namás. Les dos raciones que pidiemos acabáronse aína y como son tan dixestivos quedó espaciu pa más. Nós pidiemos bonito flambeáu con coñá, mui arumáticu y marináu previamente con daqué d’ayu.

Pa detras, pos una tarta quesu casera. Taba bañada en compota figos y ellaborada con quesu blancu … y azul. Pero lo mesmo que nos platos anteriores, namás se notaba’l  carauterísticu saborgu del quesu azul a la final, mui ellegante, ná llambión. Sidre Angones ye cola que cuenta esti llocal.

(Visited 670.279 times)

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies