Inicio > AS > Eventos > Esti añu, ensin descorche
Eventos

Esti añu, ensin descorche

Nun se fadrá la fiesta de la sidre en L’Entregu.

LA SIDRA.- A finales del añu pasáu la xunta direutiva de la Sociedá Cultural y de Fiestes L’Entregu presentó la so dimisión, y al nun haber relevu, dicha entidá quedó en manes d’una xestora. Esti añu la revista LA SIDRA púnxose en contautu col Ayuntamientu de Samartín del Rei Aureliu y esti confirmó que nun tendría llugar la cellebración que se venía faciendo dende 2011. Dichu festexu llegó a xuntar fasta trece llagares y convirtiérase nun alcuentru nel qu’amás de poder esfrutar de la nuesa bébora patria, tamién se llevaben a cabu estremaes actividaes culturales y un mercáu popular.

 

L’Entregu queda asina ensin El Descorche de La Llaguna, que nació como una iniciativa popular. “Esta tardi tevo llugar l’aconceyamientu de socios nel qu’una vuelta más quedó de manifiestu la falta d’enfotu y collaboración con esta asociación, polo que la xunta decidió dexar acantes los sos puestos y presentar la dimisión. Fasta equí lleguemos” desplicaba en redes sociales la Xunta Direutiva’l pasáu ochobre. Nel aire quedaron entós otres frestividaes como la de les Cebolles Rellenes que se cellebraría en payares. Sicasí, l’Ayuntamientu púnxose manes a la obra pa garantizar que diches xornaes sí que tovieren llugar. Desgraciadamente la sidre nun tuvo la mesma suerte.

(Visited 2.465.964 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies