Inicio > Internacional > ¡Esta sidre ta de muerte!
InternacionalLlagares

¡Esta sidre ta de muerte!

Malus Immortalis, una sidre d’edición llimitada, ta fecho con mazanes del cementeriu Green-Wood de Nueva York.

LA SIDRA.- Los llagareros Jeremy Hammond y Joy Doumis (Proper Cider) ellaboren sidre coles mazanes d’ún de los cementerios más grandes y antiguos de los Estaos Xuníos, consideráu Símbolo Hestóricu Nacional y ún de los destinos turísticos más populares del país.

A la fin del branu de 2015, Hammond, produtor de televisión, guetaba hestories que cuntar nel icónicu cementeriu cuando atopó por casualidá un pumar de 12 metros d’altu xunto a la tumba de Samuel B. Morse y tastió’l so frutu.

Tres decidir que yera el tipu mazana perfechu pa ellaborar sidre, xuntó les suficientes pa facer un lote con 11 llitros de preba. El resultáu foi sosprendente: una sidre ná ácido y un puquiñín afumiada, a diferencia d’otres sidres más clásiques.

Asina que, xunta Doumis, pidieron permisu al cementerio pa pañar mazanes y ellaborar sidre y el so proyeutu foi aprebáu. Coles distintes races de mazana atopaes, tales como Granny Smith y Baldwin empicipiaron faciendo una sidre a la que nomaron Paradisus.

Darréu amestaron les mazanes que Hammond atopó la primer vegada, a les que, pol so allugamientu nomó “códigu Morse” y fixeron la sidre Puntu Puntu Raya (..-). Dambes embotelláronse demientres más d’un añu y almacenáronse nes catacumbes del cementeriu pa envieyar, pa llueu ser compartíes n’eventos collaborativos col cementeriu.

La postrer aportación d’estos artesanos de la sidre ye Malus Immortalis, una sidre d’edición llimitada que nun se viende de forma comercial, ya que’n Proper Cider la sidre considérase un arte, non un productu.

(Visited 2.466.263 times)
Compartir
A.M.V.
https://www.lasidra.as
Nacía en Xixón en 1973, fice los estudios de Filoloxía Inglesa nes Universidaes de Uviéu y Bradford (Reinu Xuníu). Trabayé de profesora d'inglés, guía ya intérprete y tradutora. Soi una gran aficionada a la sidre y al bon xintar. Sígueme na ueb www.ciderayalga.com

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies