Inicio > AS > Eventos > Esposición de semeyes de LA SIDRA en La Galana
Eventos

Esposición de semeyes de LA SIDRA en La Galana

Na amuesa puen vese distintes istantánies premiaes nel certame qu’entama la Fundación Asturies XXI dende va 9 años.

LA SIDRA.- La esposición del Concursu Semeyes LA SIDRA tornó a la sidrería xixonesa La Galana pa quedase. Y ye que les istantánies van tar espuestes en dichu establecimientu fasta que se dea’l fallu del prósimu certame qu’entama la Fundación Asturies XXI en collaboración col llagar JR. Na amuesa esíbense les obres de dellos de los concursantes que participaron apurriendo la so visión sobro la nuesa bébora patria.

Na IX edición del concursu participaren 73 fotógrafos de 9 países distintos. En total presentáronse 253 imaxes. Foi a primeros d’añu cuando se llevó a cabu’l fallu del xuráu nuna sesión abierta al públicu na see de la revista y de la Fundación Asturies XXI. El guipuzcoanu Miguel Cavero resultó’l ganaor del certame cola so semeya “L’heriedu de la sidre”. El primer acésit recayó nel gallegu Martín Pérez que participó con “Mazana que surde”; y el segundu acésit ganaor “El corresponsal” de José Manuel Parapar de L’Entregu, que tamién se fixo col premiu especial qu’otorga’l llagar JR cola so obra “Al otru llau”.

El Concursu Semeyes LA SIDRA, que cunta col sofitu del llagar JR y de la sidrería La Galana, ye’l certame fotográficu más antiguu de los que tienen la emblemática bébora asturiano comu temática principal. Amás ye’l que cunta con mayor participación y presencia internacional.

(Visited 2.466.278 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies