Inicio > DOP Sidre d'Asturies > IX Espicha solidaria escontra’l cáncanu
DOP Sidre d'Asturies

IX Espicha solidaria escontra’l cáncanu

El periodista esportivu Antonio Lobato, nomáu ‘Embaxador de la Sidre de Asturies Solidaria 2023’

LA SIDRA.- La Fundación Sandra Ibarra y el Conseyu Regulador de la Denominación d’Orixe Protexida Sidre d’Asturies nomen al periodista esportivu Antonio Lobato ‘Embaxador de la Sidre d’Asturies Solidaria 2023’. Esta reconocencia, de calter añal, sirve para estremar el so llabor como difusor de la cultura y raigaños asturianos en tol territoriu estatal. D’esta miente, Lobato recueye’l testigu d’otru periodista uvieín, Carlos Franganillo, premiáu na postrer edición.

Esta distinción escenificaráse’l prósimu vienres 29 de setiembre, a les 19:30 hores nel Llagar de Fran (Llugones), por cuenta de la tradicional ‘Espicha Solidaria frente al cáncanu’. Un añu más, la Fundación Sandra Ibarra y el Conseyu Regulador de la DOP Sidre d’Asturies entamen esti eventu que supon un homenaxe al espíritu d’Asturies nel qu’al traviés de los sos raigaños y tradiciones poner n’alza la solidaridá de les sos xentes.

Esta iniciativa tien como oxetivu esfrutar de la sidre, y faelo amás por una causa solidaria: amestar esfuerzos frente al cáncanu, yá que una parte de la recaldación va dir destinada a la Escuela de Vida de la Fundación Sandra Ibarra, la primer comunidá dixital de pacientes y supervivientes de cáncanu. Nella ufiértase orientación, formación ya información en distintes áries de salú y accesu a servicios estrahospitalarios concretos. Les entraes solidaries, con un preciu de 35 euros, puen alquirise na see del Conseyu Regulador de la DOP Sidrr d’Asturies (Villaviciosa) y nel siguiente enllaz: IX Espicha Solidaria.

 

 

(Visited 2.652.420 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies