Inicio > DOP Sidre d'Asturies > ‘Esperiencia Collecha’ de la DOP Sidre d’Asturies
DOP Sidre d'AsturiesLlagares

‘Esperiencia Collecha’ de la DOP Sidre d’Asturies

Periodistes de dellos medios de comunicación, ente ellos LA SIDRA, esfrutaron, en primer presona, de la tradicional campaña de pañada de la mazana

LA SIDRA.- Un añu más, el Conseyu Regulador de la DOP Sidre d’Asturies cellebró la so tradicional ‘Esperiencia Collecha’. Más d’una decena de periodistes de dellos medios de comunicació, tantu xeneralistes como especializaos en gastronomía, pudieron esfrutar d’una actividá dirixía que’l so oxetivu yera vivir una esperiencia real de la campaña de pañada de la collecha de la mazana. Una xornada entamada p’afondar na conocencia del productu y los sos raigaños, asina domu nel seutor agrícola ya industrial del que forma parte la Denominación d’Orixe Protexida d’Asturies.

Nesta edición, l’allugamientu escoyíu foi una pumarada en La Reguera (Noreña). Blas Alonso y el so padre Eduardo – propietarios del terrén – guiaron a tolos periodistes asistentes per una pumarada que supera los más de 15.000 metros cuadraos, y la cual produz añalmente más de 23 tonelaes de mazana. Dambos desplicaron cómo se produz la pañada de mazana por races, na pomarada en semi-nanu, les particularidaes de ca campaña, los momentos de la pañada según maduración de les mazana, el so treslláu al llagar y los controles que sobro los mesmos fai’l Conseyu Regulador de la DOP Sidre d’Asturies.

La ‘Esperiencia Collecha’ siguió nel llagar Sidra Quelo, en Tiñana. Los hermanos Fanjul, Alberto y Gonzalo, desplicaron la recepción de la mazana en mazaneru, cómo se lleva a cabu’l procesu de seleición y el so posterior prensáu. La visita remató con una tastia del productu, y una espicha regada por sidre DOP y acompangada por productos asturianos.

(Visited 1.224.434 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies