Inicio > Chigres > Espalma la sidre, folixa sidrera en Siero
ChigresCultura sidreraEventosLlagaresTasties

Espalma la sidre, folixa sidrera en Siero

Esta propuesta promovía polos llagares de Siero cellebraráse’l 28 y 29 d’abril, y pretende dar puxu a la calidá frente a la cantidá.

LA SIDRA.- A diferencia de los avezaos festivales de la sidre nos que cola compra d’un vasu bébese lo que quier, la propuesta de “Espalma la sidre” pretende poner en valor la sidre, ufiertando una sidre curiao y echao a la perfeición, asignándo-y el debíu valor económicu.

Va cellebrase la postrer fin de selmana de abril na Plaza cubierta de La Pola Siero, el sábadu n’horariu de 12:00 a 16:00 y de 19:00 a 3:00 y el domingu de 12:00 a 20:00.

Na plaza van esistir nueve stands de sidre rexentaos por:

  •    – Sidre Quelo
  •    – Sidre Muñiz
  •    – Sidre Fanjul
  •    – Llagar La Morena –
  •    -Sidre Vda. de Palacio
  •    – Sidre Arbesú
  •    – Casería San Juan del Obispo
  •    -Sidre Fran
  •    – Sidre Fonciello

Tolos llagares van tener un echaor, al igual que la fastera central de meses y bancos que va gociar de cinco camareros que van echar la sidre en mesa.

Dos establecimientos hosteleros de La Pola van rexentar dos stands gastronómicos nos que se va ufiertar un menú típicu asturianu. Estos van ser Restorán Abrelatas y Restorán Karting Pola.

Amás, va haber música en direutu demientres tol festival:

   – Sábadu 13:30 hores – Los Gasconos

   – Sábadu 22:00 hores – La Versión de los Hechos

   – Sábadu 3:00 hores – DJ Diego Laruelo

   – Domingo 13:30 hores – Los Gascones

Per otru llau, va esistir una zona ferial na qu’empreses y entidaes rellacionaes col mundiu la sidre y el productu asturianu van poder esponer y vender al públicu tolos sos productos.

Y, a lo último, una fastera d’esposición va tar afayada pa faer charres, talleres y concursos rellacionaos col mundiu de la sidre.

(Visited 2.466.631 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies