Inicio > Cultura sidrera > Ésitu de les VII Xornaes de la Sidre en Pimiangu
Cultura sidreraSidre Casero

Ésitu de les VII Xornaes de la Sidre en Pimiangu

Pese al tiempu, l’espíritu sidreru’ consiguió un singular eventu festivu: a mal tiempu, bona sidre

VER SEMEYES

LA SIDRA.- La xornada de la sidre cellebróse cola aportación y el trabayu de los llagareros de Ribadeva y de tolos vecinos de Pimiangu. Foi un díi de cultura sidrera, d’amistá, de xermandía, un día de música popular de gaita y tambor, en resume, un día para esfrutar convirtiendo a Pimiangu na población sidrera más oriental de Asturies

La Xornada empecipió cola actuación de l’agrupación musical Voces Mansolees, con cancios dedicaos a Pimiangu y a la sidre. De siguío, como yá ye avezo, realizóse’l “hermanamiento sidreru”, esti añu la población convidada foi Coya (Piloña), un pueblu col que Pimiangu comparte cultura y tradición.

Al VII concursu de Sidre Casero de Ribadeva presentáronse sidres d’Abándames, Cavandi, Colombres, Boxes, El Matu Vieya, La Franca y Pimiangu. Resultando ganadorá la sidre de José Fernandez Muñiz de Boxes.  Fueron miembros del xuráu: Avelino Fuentes Presidente de l’Asociación de Sidre Casero Asturiana y miembru de l’asociación de Sidre Casero de Piloña, Vicente Ardura Vicepresidente de la Federación y presidente de l’Asociación de Llagareros Artesanos del Caudal, y Francisco José Diaz Presidente de Sidre Casero d’Onís.

Pa dar protagonismu a la mazana, paralelamente al concursu de sidre, Cellebróse’l III Concursu de Postres de Mazana onde actuaron como xuráu Pepa Batana, y Juan Antonio Santiago, determinando como ganadora a Marisa Fuentes Madera, de Coya

L’actu remató con una espicha popular tastiando les sidres del concursu y otres representatives del oriente d’Asturies.

*Florencio Alonso

Xúnite a la nuesa canal de WhatsApp

 
(Visited 2.657.227 times)
Compartir

Este sitio web utiliza cookies para que usted tenga la mejor experiencia de usuario. Si continúa navegando está dando su consentimiento para la aceptación de las mencionadas cookies y la aceptación de nuestra política de cookies.

Esti sitiu ueb utiliza cookies pa que vusté tea la meyor esperiencia d'usuariu. Si continúa navegando ta dando¡l so consentimientu pa l'aceptación de les mencionaes cookies y l'aceptación de la nuesa política de cookies. ACEPTAR

Aviso de cookies